Donostiako Orfeoia UPV/EHU Saria

Donostiako Orfeoiak eta Euskal Herriko Unibertsitateak, elkarrekin ados jarririk, 2001 urtean sari hau ezarri zuten, bi xede nagusi betetzeko asmoz: Musika sustatzea eta bultzatzea. Musika-sorkuntzaren alorrean nabarmendu diren pertsona edo erakunde ezagun baten lana eta ibilbidea jendaurrean aitortzea.

Saria urtero ematen da. Deialdi bat etorriko da UPV/EHUren ikasturtearekin eta 2.000 euro-ko saria emango da musika-ikerkuntza sustatzeko.

Ikerkuntza-sariaren urteroko sari banaketa ekitaldian, musika alorrean nabarmendu den pertsona edo erakunde ospetsu bati bere lana eta ibilbidea aitortuko zaizkio jendaurrean.

Deialdian nahi duten pertsona guztiek parte hartu ahal izango dute, ez dago mugarik. Ikerketa-lanak unibertsitate-jardueran dauden edozein ikuspegi akademikotatik egin daitezke (Doktoretza-tesiak, Karrera-amaierako proiektuak, etabar) . Lanak paperean (bikoiztuta) eta modu elektronikoan aurkeztuko dira Donostiako Orfeoiaren egoitzan eta/edo UPV/EHUko web orrietatik deskarga daitekeen edo bi erakundeetan eska daitekeen lanaren aurkezpen-inprimakia ere aurkeztu beharko da.

Euskal kultura - munduko edozein hizkuntza idatzi ahal izango dira lanak.

Musika-munduan nabarmendu diren pertsonen edo erakundeen lana eta ibilbidea publikoki aitortu eta goresteari dagokionez, erakunde sustatzaileek dagozkien curriculumak aurkeztuko dituzte, euskal kultura-munduko edozein hizkuntzetan, Donostiako Orfeoiaren egoitzan eta / edo UPV/EHUko Gipuzkoako Campuseko Errektoreordetzan.

Epaimahaiari dagokionez, epaimahaiburu UPV/EHUko Gipuzkoako Campuseko Errektoreordea izango da eta 4 kidek osatuko dituzte. Kide horiek izendatzea, berriz, bi erakundeek sinatutako. Hitzarmenaren Segimendurako Batzordearen ardura izango da. Epaimahaiak berak erabakiko ditu funtzionamendu arauak eta berak izendatuko du Idazkaria.

Epaimahaiaren erabakia ikasturtean emango da. Apelaezina izango da. Saria eman gabe ere gera daiteke. Sari-banaketa Gipuzkoako Unibertsitate Campusean izango da, ekitaldi ofizialean.

Egileen eskubideei kalterik egin gabe, aurkeztutako lanak argitaratu edo hedatu ahal izango ditu paperean eta modu elektronikoan, bai Euskal Herriko Unibertsitateak eta bai Donostiako Orfeoiak.

Aurtengo deialdian, ikerkuntza-lanak eta/edo aitortu beharreko pertsona ospetsuen curricula aurkezteko epea urriaren 31an amaituko da.