Donostiako Orfeoia bi partidatan izango da Donostiako Musika Hamabostaldiaren programazioan. Donostiako Hamabostaldiari ere amaiera emango dio abuztuaren 27an.
Lehenengo hitzordua bihar izango da, abuztuak 5, 20: 00etan Kursaalen. Orfeoiko kantariek eta bere Gazte Abesbatzak Gustav Mahlerren 3. sinfonia interpretatuko dute Euskal Herriko Gazte Orkestrarekin (EGO) eta Kanarietako Gazte Orkestrarekin (JOCAN) batera. Carmen Artaza mezzo sopranoak ere parte hartuko du. Denak Victor Pablo Pérez Burgoseko maisuaren zuzendaritzapean.
Sarrerak salgai daude Kursaaleko leihatiletan eta Hamabostaldiaren webgunean: www.quincenamusical.eus
Bigarren hitzordua abuztuaren 6an izango da, larunbata, Senpereko Saint- Pierre Elizan (Frantzia), 21: 00etan. Oraingo honetan Gabriel Faureren Réquiem-a aukeratu da, koruko bakarlariak izango dituena: Irene del Molino sopranoa eta Miguel Valencia baritonoa; Jean Racineren Cantique musikagilea; Francis Poulencen Litanies à la vierge noire; Tomas Araguesen Ave María; Pau Casalsen Nigra sum eta Aita Madinaren Aita Gurea. Koruak Gerardo Rifon izango du organoarekin batera eta Sainz Alfaroren zuzendaritzapean.
Sarrerak eskuragarri daude Hamabostaldiaren webgunean: www.quincenamusical.eus
