Maiatzaren 14an, asteartea, 19:30ean, Donostiako Koruko Andre Mariaren Parrokia Donostiako Orfeoiaren musikaz beteko da, Chillidaren Mendeurrena dela eta. Sarrera librea izango da.
José Antonio Sainz Alfaroren zuzendaritzapean eta Gerardo Rifónek organora lagundurik, Donostiako abesbatzak Bach konpositorearen piezak interpretatuko ditu, Chillida, Cohen, Webber, Madina, Fauré eta euskal egileenak, besteak beste, Lesbordes, Uruñuela, Iruri, Ugalde eta Olaizolarenak.
Kontzertua Eduardo Chillidaren lagun talde batek antolatu du, Koruko Andre Mariaren parrokiakoak, eta Donostiako Orfeoiaren laguntza izan du. Gainera, Eduardo Chillida-100 urte antolatutako jardueren programazioaren barruan dago, eta bere webgunean kontsulta daiteke (www.eduardochillida.com ).
Artistak harreman estua izan zuen Donostiako Elizbarrutiarekin, eta bizirik zegoela hainbat eskultura oparitu zizkion, gaur egun parrokian bertan daudenak, "Gurutzea" (1975) eta Artzain Onaren Katedralean, "Bakearen gurutzea" (1997). Hileta elizkizuna ere parrokia horretan egin zen.
